مكاتيبي عيون الحب

أنا جيتك غلا واشواق قصيدي باحسن التصوير

يكفي ترجمة روحي .. حروف الروح مامونه


بنيت البيت خلف البيت وحملّته جناح الطير

مكاتيبي عيون الحب وقلبٍ باح مكنونه


اهلّي به يهلّي بي بعشقٍ ثابت التأثير

تمايل برْقه بعشقه وهلت بأرضنا مزونه


يجازف لي وأجازف له محبتنا بلا تحذير

انا ماقول عن غيره لان الغير من دونه


محبه هزت اركاني وربي ماعطاه الغير

احبه من ثنايا الروح ولوهي الروح مدفونه


بذاك الوقت شفت الحب .. حبا صافي التقرير

ملك روحي ملك قلبي وعقلٍ جنّت اجنونه


تذكرها صويب الروح محبتنا مع التقدير

انا والروح مع قلبي على صدق الهوى كونه


احبك بالحروف كبار حقيقه مابها تزوير

احبك قالها قلبي ولو كذبٍ يقولونه


انا غير البنات افكار قلوب الخلق لي تسخير

عقولٍ صابها حيره إذا اسمي بيطرونه


انا ماأوصف بشكلي ولالي بقدركم تصغير

اله الخلق واهبني حضورٍ ماتملونه


ولكن حانت الايام ولالي بالوصل تقصير

تصاوير الغلا عندي غلاكم بيت بركونه


همست بحبنا عالي وزاد بوقتنا تعمير

وصار الوقت من قلبي تعلم حب وفنونه


وجيت اختم انا قافي بهمسٍ اشغل التفكير

طفل يحتاج لاحضانٍ تضمه فيه مفتونه





من ما راق لي