نكت رائعة

نكت رائعة

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو

--------------------------------------------------------------------------------


واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟



--------------------------------------------------------------------------------


هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة



--------------------------------------------------------------------------------


هادا واحد المعلم رسم سباط ف السبورة وسول واحد التلميد: أشنو هادا؟
قال ليه الولد: هباط
سلخو المعلم مزيان وقال ليه: لا هادا سميتو سباط
الغد ليه عاود المعلم رسم سباط وسول نفس التلميد: أشنو هادا؟
عاود قال ليه الولد: هباط
عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك
منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط
بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟

--------------------------------------------------------------------------------


واحد الراجل قال لمرتو: وجدي راسك اليوم غادي نتعشاو برا
ملي رجع للدار ف العشية، لقاها حطات الميدة ف الزنقة

--------------------------------------------------------------------------------

واحد الجزار مشا يخطب قالو لو اهل العروسة خاصك دفع 5مليون فصداق.. قاليهم
علاش شحال حسبتو للكيلو



--------------------------------------------------------------------------------


هادي واحد المرا طلابة مشات عند واحد السيد قالتليه يلا ما تعطينا شي حاجة باش نفرحو لوليدات وهو يقولليها سيري قوليليهوم ما كاينا قراية غددا



--------------------------------------------------------------------------------


هذاواحد البناي كان مع صاحبتو فالقهوة وهو يدير يديه فوق يديها يسحبلها زعما غيقولها كنبغيك ولا غانجي نخطبك وهو يقول ليها شحال تعطيني نهرس ليك يدك



--------------------------------------------------------------------------------


هذا واحد بغا يخنق حوتة و هو يخشيلها راسها فالما



--------------------------------------------------------------------------------


مجانين دار ليهم الدكتور أغنية ... كولهم ناضو كايشطحو إلا واحد !! قالو الدكتور علاش ماكاتشطحش قالو حيت أنا العروسة




--------------------------------------------------------------------------------


واحد جوج مكلخين دخلو لمتحف ديال مصر لقاو جثة محنطة ديال فرعون مكتوب حداها 156 ق.م واحد سول لاخر قاليه مامعنى دوك الأرقام قاليه صاحبو والله ما عرفت يمكن نمرة ديال الطموبيل اللي درباتو



--------------------------------------------------------------------------------


واحد شرير حل مصنع ديال كوكاكولا وكتب فكل قرعة تحرك جيدا قبل الفتح

--------------------------------------------------------------------------------


هدا واحد سراق الزيت (صرصور) طاح ف مولينيكس ملي خرج قال الله ينعل اللي باقي يمشي ل لافوار


--------------------------------------------------------------------------------


قطة دايزة لقات قط تينبح تعجبات وقال ليه وتامالك تلفتي الله تبقي الستر ؟ قال ليها :أ مكيف..أوكاعي فيها شي حاجة..


--------------------------------------------------------------------------------